"نحن لا نكون أحياءً بشكل كامل، أو نكون على سجيتنا تمامًا، أو ننهمك بعمق في أي فعل بقدر ما نفعل حين نلعب"؛ تشارلز إي شيفر.
معرفة المزيد
1,800ج.م
1,200ج.م
1,200ج.م
3,000ج.م
3,500ج.م
1,500ج.م
1,500ج.م
2,500ج.م
السعر الأصلي هو: 1,050ج.م.893ج.مالسعر الحالي هو: 893ج.م.
السعر الأصلي هو: 400ج.م.340ج.مالسعر الحالي هو: 340ج.م.
800ج.م
1,800ج.م
200ج.م
200ج.م
800ج.م
بلدنا هو عبارة عن لعبة لوحية تعليمية بالعربي بتدعو اللاعبين انهم يستكشفوا مفهوم الثقافة عن طريق السفر عبر المناطق المختلفة في مصر على لوحة اللعب. في كل منطقة من مناطق اللوحة، بتقدم اللعبة لكل مشارك مفاهيم مختلفة وبتسأله أسئلة مختلفة عن الجغرافيا، واللغة، والبشر، والطعام، والحيوانات، والبيئة، والموسيقى، والعادات، والحرف، والآثار، والموارد الطبيعية بالإضافة للتحديات الخاصة بالمنطقة. بيتم سؤال الأسئلة المختلفة بشكل غير مباشر من غير افتراض أي معرفة سابقة بموضوع الأسئلة، ولكن بيتم استخدام أساليب مختلفة لتحفيز التفكير النقدي، وتكوين وجهة نظر، أو مهارة فنية زي الرسم أو التمثيل. اللعبة دي هي عبارة عن رحلة استكشاف لمعلومات جديدة، مع التفكير في معناها واستخدامها في سياق جديد.
ازاي ممكن نتعايش مع أنفسنا ومع الآخرين؟
التعاون، والتواصل، وتخطي النزاعات، وتقدير التنوع هم جوهر التجربة اللي بيقدمها النشاط ده. تعليم السلام بيعرّض المشاركين لبيئات بيستكشفوا فيها وجهات نظر وسلوكيات مهمة جدًا في ظل المجتمع المستقطب اللي بنعيش فيه، علشان نمكنهم إنهم يتبنوا بأنفسم التغيير الإيجابي اللي نفسنا نشوفه في العالم.
ازاي ممكن نخلق نماذج لأنظمة حيّة، مستوحاة من الأنظمة الحيّة الموجودة بالفعل على كوكب الأرض؟
التجربة دي هي نظرة على كوكبنا وطبيعته الغنية، وبتفتح عينينا على كيفية التواصل معاه. عن طريق اللعب والإرشادات البصرية بنستكشف البيئة المحيطة بينا، بالإضافة لمشاكل بيئية مختلفة. من خلال النشاط ده بنقدم للأطفال اللي يساعدهم على انهم يكونوا الجيل اللي حيوجد الحل لمشاكل البيئة، وده عن طريق معلومات وأساليب لإعادة تدوير المخلفات واستخدامها بشكل أفضل.
ازاي ممكن نبتكر بشكل فردي وجماعي عن طريق التعبير الفني؟
طول ما احنا ماشيين في الحياة بنرقص، وكل يوم بنحكي قصص مالهاش عدد. مكّوك بيخلق مساحات لتوثيق التعبير المبتكر فرديًا وجماعيًا، وبيستخدم الوسائط الفنية لاستكشاف الموضوعات اللي بيقدمها.
ازاي ممكن نفهم ونستخدم الطُرق العلمية؟
مكّوك بيؤكد على ضرورة التفكير في كيفيّة التفكير؛ بنلعب ألعاب لتنشيط الذهن بتحفز الإبداع والتفكير الابتكاري. بتحاول عقولنا دايما إنها تفك شفرة العالم من حوالينا باستخدام الكلمات، والمعادلات، والأرقام. بنستكشف العلوم المختلفة وتطبيقاتها في حياتنا عن طريق الانخراط في تجارب وخبرات متنوعة.
تستطيع اﻵن الاشتراك والاستمتاع بمكتبة اﻷلعاب والاستفادة بالخصومات على قعدات اللعب والورش التعليمية
مكتبة معهد مكوك تضم أكثر من 100 لعبة ورقية متنوعة بالإضافة إلى مجموعة من الكتب حول تصميم وصناعة الألعاب والتعلم القائم على اللعب.مساحة معهد مكوك مخصصة لجميع اللاعبين ومصممي الألعاب ومحبي معهد مكوك الذين يرغبون في اللعب، تجربة الألعاب التي يقومون بتطويرها، قراءة الكتب عن الألعاب، أو حتى العمل بهدوء في الزمالك.
علي بيصمم لعب وبييسر ورش ومهتم باستكشاف وفهم المساحة اللي بين اللعب والتعلم. شغله بين تصميم تجارب تعليمية، وتصميم ألعاب وتيسير أنشطة. علي هو أحد المشاركين في إنشاء مكّوك، وكان جزء من تصميم ٨ العاب من انتاج مكوك وهو كمان واحد من الخبراء التعليميين هناك. اهتماماته في الموضوع ده بتدور حوالين سؤال "ازاي البني آدميين يقعدو مع بعض ويخلقوا معرفة او أي حاجة بشكل تشاركي؟"
مريم فنانة بصرية متخصصة في التصميم البصري للألعاب درست االتصميم البصري في الجامعة اﻷلمانية في مصر واشتغلت على مدار 8 سنين على تصميم أكتر من عشر العاب وكتب للأطفال وشاركت في مشاريع كتيرة في مجال تصميم و تطوير الالعاب و اﻷدوات التفاعلية و ساهمت في تصميم كتير من منتجات مكوك زي سلسلة قصصنا الشعبية ولعبة بلادنا،ولعبة ديناصورات وشرابات وعالم موازي و لعبة الاخطبوس
حسام شكر الله كان مدربًا في مجال الفنون ومصمم ألعاب ومدرب في البرمجة. تدور اهتماماته حول تصميم وبرمجة الألعاب، بالإضافة إلى النجارة، والحدادة، والخياطة، والعمل ثلاثي الأبعاد، والعمل بالجلد. لقد فاز بثلاث جوائز في تصميم وتطوير الألعاب في مسابقة جلوبال جيم جام في مصر، وقد استشار في العديد من تصميمات الألعاب. كما قام بتصميم العديد من التجارب التعليمية المحورة حول الألعاب في المعسكرات وورش العمل خلال 11 عامًا من العمل مع مؤسسة التعبير الرقمي العربي. حاليًا، يعمل في مجالات التصميم والتعليم، حيث تتقاطع التكنولوجيا مع الحرفية. يعتقد أن الثقافة الحرة والبرمجيات المفتوحة مهمة لصناعة الفن، والتعليم، والتعبير.
يوسف بيحب تشكيل المواد والتصنيع بشكل عام ، تقدروا تقولوا تقولوا مهووس بالعالم السحري ده. درس سينوغرافيا واكتشف فنون الشارع في 2011 وانجذب من ساعتها لفكرة الفنون في المساحات العامة وبقى في سعي دائم إنه يكتسب خبرات و مهارات تشكيلية يقدر يستخدمها كوسيلة تعبيرية فى المساحات دي. خلال السنين اللي فاتت يوسف كان المسؤول في مكوك عن طباعة شوية من الألعاب والمنتجات.
رحاب بسام، كاتبة ومحررة ومترجمة. عملت رحاب لعشر سنوات كمديرة للنشر ومحررة ومترجمة بدار الشروق، مع تركيز خاص على كتب الأطفال، وتشرفت بالعمل مع عدد كبير من مؤلفي ورسامي الكتب في مصر والعالم العربي. تُعد الترجمة للأطفال من أحب الأعمال لها، حيث ترجمت عناوين من سلسلة الأستاذ والهانم مثل "أستاذ زغزغ" و"بهيجة هانم"، وصدر لها مؤخرا ترجمات "كل شيء عن التنوع" و"كل شيء عن القلق والمخاوف" و"كل شيء عن المشاعر" و"كل شيء عن الأصدقاء" عن دار الشروق. وصدر لها مع "مكوك" سلسلة "قصصنا الشعبية" من عشر كتب، والتي حررتها وأشرفت على نشرها. تُدرّس رحاب اللغة العربية للأطفال من خلال "مدرسة كلامنا"، كما ساهمت وأشرفت على كتابة وتحرير "كتب كلامنا" المصممة لتدريب الأطفال على القراءة. رحاب أيضا مُدونة قديمة (جدا) وصدر لها كتاب بمبي صغير بعنوان "أرز باللبن لشخصين" في 2008 عن دار الشروق. تدرس رحاب حاليًا في جامعة نيوكاسل بإنجلترا للحصول على ماجيستير الكتابة الإبداعية .
احنا مؤمنين بإن السحر بيكمن في قدرتنا على الانخراط في اللعب. وبنؤمن برحلة كل شخص تجاه التعلم الذاتي، وإمكانية تفكيك اللي اتعلمه سابقا وإعادة تعلمه، لإن كل رحلة من الرحلات دي فعلًا مهمة. إحنا بنؤمن كمان في قوة التساؤل والحوار خلال كل رحلة استكشافية.
اعرف منهجيتنا