منتجات

بنحب نصنع منتجات لذيذة وألعاب لها القدرة تخدنا في رحلة من السعادة والتساؤلات والتعلم من خلال الاهتمام بالتفاصيل والمحتوى وطبعا خفة الدم والفضول. منتجاتنا للصغيرين والكبار وبتغطي اهتمامات مختلفة. وفخورين جدا بان بعد ما نمخمخ ونفكر في منتجاتنا مع اخصائيين تعليم ومجموعات من الدواير اللي حوالينا بنصنعها في بلدنا.

Ma3had Makouk

احنا بنخلق بيئة بتتيح للّاعبين انهم يستكشفوا إمكانيات عقولهم في نفس الوقت اللي بيحققوا فيه رغبتهم الفطرية في اللعب. بفتح المجال للاستكشاف عن طريق اللعب يقدر اللاعب إنه يتحدى الرتابة والأفكار النمطية بشكل مبدع، ويخوض رحلة التمكين الذهني.

الوسائط والطرق المتنوعة اللي بيستخدمها مكّوك بيتم اختيارها دايما بعناية عند صياغة كل جلسة، ولكن العنصر الجوهري دايما هو احتواء ورش العمل على عناصر التعبير عن الذات واللعب.

خدمات

سواء كنتم شركة، أو مؤسسة غير هادفة للربح، أو مدرسة، أو عائلة، (مكّوك) حتصمملكم رحلة شيقة حتلبي هدفكم المرغوب عن طريق تصميم ألعاب، وبرامج تعليمية، وخبرات حتوصَّل الرسالة المرغوب توصيلها بشكل خفيف وشيق. عن طريق استخدام اللعب كوسيلة أساسية لتوصيل المحتوى المرغوب فيه، (مكّوك) بتقدر تتفاعل مع المتلقي بشكل طبيعي وفطري. احنا بندعوكم لاستكشاف عالمنا، وانكم تستعدوا للِّعب معانا! عرَّفونا المحتوى اللي حابين توصَّلوه، واحنا حنلاقي الطريقة المناسبة لتوصيله!