كان يا بتنجان، في زمن برّا الأزمان، ما كانش فيه أي شئ مُميّز. اليوم بدأ عادي والحياة كانت ماشية زبادي، زي ما دايما بتمشي. إلا أنها ما مشيتش. ببساطة شديدة، العالم مابقاش زي ما كان. عناصره الأساسية اتبعترت كأنها ورق شجر دبلان طار في خماسين شهر إبريل أحَرّ من العادي. الأشياء ما بطّلتش تكون، لأن ما كانش فيه لا أبطال ولا أشرار. وما كانش فيه لوم على حد، ولا حد كان ينفع يتمجّد ع اللي ما حصلش. ودلوقتي العالم بقى عوالم والكون بقى أكوان. وانتم أعضاء “المجلس العاشر” لإعادة بناء اللي إتبقّى، مِتجمّعين في التكييف عشان تقرّروا شكل الكون الجديد.