في الورشة ديه، هنفتح المجال إننا نستكشف المنطقة اللي بين تصميم الألعاب والأنثروبولوجي باستخدام ألعاب تقمص الأدوار ذات صفحة واحدة (One-Page RPGs) كمنصة للتجريب.

أولاً: إيه اللي هنعمله في الورشة؟

رحلتنا سوا: هنبدأ رحلة نتعرف فيها على أساسيات تصميم ألعاب تقمص الأدوار، وكيفية تيسير اللعبة (Game Mastering)، وكتابة المغامرات الخاصة بنا.

الاعتماد على العمل الفردي: الورشة كلها مبنية على إن كل مشارك يشتغل لوحده وان فيه شغل بسيط في البحث والتطوير خارج الورشة.

الناتج النهائي: كل المشاركين هيخرجوا في الآخر بـ:

• نموذج أولي متطور (Prototype) للعبة تقمص أدوار من صفحة واحدة.

• اللعبة دي هتكون موجودة في عالم من اختراعكم ، ودي هتكون بداية تقدروا تطوروها بعد الورشة.

ثانياً: ايه المواضيع اللي هنناقشها؟

مبادئ التصميم: هنفهم إيه معنى “لعبة” أصلاً؟ وإيه المبادئ اللي بتحكم إننا نصنع واحدة.

ألعاب الصفحة الواحدة (One-Page RPGs): هناخد وقت إننا نلعب ونتعرف على اشكال العاب تقمص ادوار مختلفة وازاي بيتبنوا. 

الجوانب الاجتماعية والثقافية: هنناقش ليه الجوانب دي مهمة جداً لما بنتخيل ونخلق عوالم وسرديات الألعاب.

موقعنا كمصممين: هنفهم إزاي وعينا بمكاننا الاجتماعي بيأثر على تصميم اللعبة والعالم اللي بنبنيه.

ثالثاً: الأسئلة اللي هنفكر فيها سوا

إزاي ممكن الأنثروبولوجي يساعدنا إننا نخلق عوالم ألعاب أحسن ونتفاعل معاها بشكل أعمق؟

إيه اللي بيضيفه منظور الأنثروبولوجي بالضبط لعملية تصميم الألعاب؟

رابعاً: النشاط التفاعلي الأساسي

تمرين “خلق عوالم أفضل”: ده نشاط تفاعلي ومسلي جداً، هنقعد نعمل فيه الآتي:

هنفكر ونتساءل عن الجوانب الاجتماعية في العوالم اللي بنتخيلها.

هنتكلم عن حاجات زي: السياق، الأساطير، مفهوم الزمن، الجندر، الموت، المرض، القيمة، الاقتصاد.

بالإضافة لحاجات تانية كتير بتطلع من سياقنا، عشان تساعدنا في النهاية نخلق عالم متخيل مش شرط يكون واقعي، لكن أكيد أكثر تعقيداً وإقناعاً.

خلاصة الورشة:

في الآخر، هتكونوا:

اتعرفتوا على مبادئي في تصميم الألعاب.

اشتغلتوا عملياً مع ألعاب الصفحة الواحدة.

طلعتوا بـ نموذج أولي (بروتوتايب) كامل للعبة تقمص أدوار من صفحة واحدة، جوه عالم من اختراعكم أنتم – أول خطوة حقيقية في تصميم لعبتكم الخاصة اللي تقدروا تطوروها بعد الورشة.

هتتعرفوا على ايه؟

• نظريات تصميم الألعاب
• كيفية خلق عوالم خيالية باستخدام أدوات الأنثروبولوجي
• كيفية خلق أطر لخلق الشخصيات
• تعريف المشاركين على العاب تقمص ادوار من صفحة واحدة (one page RPG)
• كيفية تصميم لعبة تقمص ادوار من صفحة واحدة (one page RPG)
• تيسير ألعاب تقمص الأدوار وخلق المغامرات

الورشة لمين؟

• للمبتدئيين و طالع
• للمهتمين بتصميم الالعاب
• للمهتمين بخلق عوالم لقصص خيالية 
• للمهتمين بالجانب الاجتماعي والثقافي للألعاب و تصميمها
• لمحبي العاب المحاكاة

 

مواعيد الورشة

27 يوليو من 6م الى 9م
29 يوليو من 6م الى 9م
3 أغسطس من 6م الى 9م
5 أغسطس من 6م الى 9م
10 أغسطس من 6م الى 9م
12 أغسطس من 6م الى 9م
17 أغسطس من 6م الى 9م
19 أغسطس من 6م الى 9م