تدريب مكوك على أساسيات تصميم الألعاب

ma3had makouk el 3ali- Ali 23 jan
ma3had makouk el 3ali- Ali 23 jan

في شهر فبراير، معهد مكوك العالي للألعاب هيقدم  تدريب على أساسيات تصميم اﻷلعاب (مستوى أول).

التدريب ده  لكل المهتمين انهم يتعرفوا على عالم ونظريات تصميم الألعاب. بالذات الألعاب الورقية (الالعاب اللي بتتلعب بالكروت). خلال التدريب  هتتعرفوا على مبادئ نظريات تصميم الألعاب، هتلعبوا ألعاب كثيرة بحيث ان على آخر التدريب كل مشارك (أو مجموعة) هيصمم بروتوتايب لعبة.

التدريب هيكون مستوى أول يؤهل المشاركين انهم ينضموا للمستوى الثاني وتدريبات متخصصة أكثر في تصميم الألعاب.

التدريب لمين؟ 

  • لو عندك فكرة لعبة ومحتاجة تطوير
  • لو مهتم/ة بالألعاب كهواية
  • لو مهتم/ة تصمم/ي لعبة
  • لو مهتم/ة بنظريات تصميم الألعاب
  • لو مهتم/ة تصمم/ي أدوات تعليمية

مدة التدريب: ٣ أسابيع 

٦  لقاءات بدءاً من يوم 19 فبراير أيام الاثنين والثلاثاء من ٦ لـ١٠ م في  مقر مكوك في الزمالك.

الايام هي 19 و20 و 26 و27 من شهر فبراير وايام 4 و5 من شهر مارس

الورشة تتضمن يوم لعب (game night) وتعريف بألعاب مختلفة يوم الخميس 15 فبراير

  أهداف التدريب:

  • تعلم أساسيات تصميم وتطوير الألعاب الورقية
  • معرفة الخطوات اللازمة لتطوير لعبة
  • التعرض إلى مجموعة واسعة من الألعاب المصممة بالكروت
  • الاشتباك في المساحة اللي بين اللعب والتعلم

المنهج:

  • أول أسبوع
    • التعرف على بعض والبرنامج
    • يعني ايه لعبة
    • ايه هي آليات اللعبة؟
    • عن قوانين اللعبة
  • ثاني أسبوع
    • نتعرف على نظرية ال(MDA)
    • نبتدي نشتغل على لعبتنا
  • ثالت أسبوع
    • نشتغل على لعبنا
    • ازاي نجرب لعبتنا مع مجاميع مختلفة
    • نجرب لعب بعض

تكلفة التدريب  3000 جنيه شاملة الضرائب والأدوات والمواد التعليمية ويوم الالعاب (game night) يوم الخميس 15 فبراير

عن الميسر:

علي عزمي

علي بيصمم لعب وبييسر ورش ومهتم باستكشاف وفهم المساحة اللي بين اللعب والتعلم. شغله بين تصميم تجارب تعليمية، وتصميم ألعاب وتيسير أنشطة. علي هو أحد المشاركين في إنشاء مكّوك، وكان جزء من تصميم ٨ العاب من انتاج مكوك وهو كمان واحد من الخبراء التعليميين هناك. اهتماماته في الموضوع ده بتدور حوالين سؤال “ازاي البني آدميين يقعدو مع بعض ويخلقوا معرفة او أي حاجة بشكل تشاركي؟” وفي وقت فراغه بيلعب وياكل شوكولاتة.

 

للتقديم للتدريب برجاء ملئ استمارة التسجيل في الرابط التالي ودفع الرسوم قبل يوم الخميس 8 فبراير

رابط الاستمارة: https://forms.gle/wGDXzNmmcqYnty9EA

  • الفئة العمرية

  • الأبعاد غير محدد

  • السعر 3,000ج.م

  • +
  • -

استخدام التطبيق ووصفه

المراجعات

لا توجد مراجعات بعد.

كن أول من يقيم “تدريب مكوك على أساسيات تصميم الألعاب”

أيضا مشابهة لهذا المنتج